2024-cü il oktyabrın 11-də Xəzər Universitetinin Beynəlxalq əlaqələr şöbəsi tərəfindən universitetin bakalavriat, magistratura və doktorantura tələbələri üçün Erasmus+ KA171 layihəsi çərçivəsində mübadilə proqramları barədə məlumat sessiyasə təşkil edildi.

Beynəlxalq əlaqələr şöbəsinin koordinatoru Əli Mirzəzadə ümumi məlumat verərək, proqramda iştirak etmək üçün şərtlərdən, tələb olunan sənədlərdən və hal-hazırkı imkanlardan danışdı.

Sonra Erasmus+ Tələbə Mübadilə proqramı çərçivəsində Türkiyənin Kütahya Dumlupınar Universitetində mübadilə proqramında iştirak etmiş Xəzər Universitetinin Humanitar, təhsil  və sosial elmlər fakültəsinin 4-cü kurs tələbəsi Xanımbacı Seyidəmirova öz təcrübələrini tələbələrlə bölüşdü.

Sonda  tələbələrin sualları cavablandırıldı.

Tədbirdə Beynəlxalq əlaqələr şöbəsinin müdiri Fatimə Vəliyeva iştirak etdi..