2024-cü il sentyabrın 26-da Bakı Gənclər Mərkəzi tərəfindən Anım günü ilə bağlı “Cənnətə bilet” adlı tamaşa təşkil olunmuşdur. Tamaşada şəhid ailələri, qazilər və müharibə iştirakçıları, həmçinin müxtəlif universitetlərin, o cümlədən Xəzər Universitetinin rəhbərliyi, əməkdaşları və tələbələri iştirak etmişlər.

Xəzər Universitetinin Tələbə məclisi, İqtisadiyyat və menecment, Təbiət elmləri və mühəndislik fakültələrinin 60 nəfərdən çox birinci və ikinci kurs tələbələri tədbir boyu öz fəallıqları ilə seçilmişlər.
Tədbirin sonunda Xəzər Universitetinin tələbələri şəhid anaları ilə xatirə şəkli çəkdirmiş, öz təəssüratlarını bildirmişlər.