Xəzər Universitetinin İngilis dili və ədəbiyyatı departamentinin müdiri Dr. Milana Abbasova, müəllimi və Tərcümə Mərkəzinin koordinatoru Elvin Abbasbəyli, tərcümə fənlərini tədris edən müəllimlər Dr. Səyyarə Quliyeva və Elmira Cahangirli,  tərcümə ixtisasında təhsil alan tələbələr 2024-cü il sentyabrın 22-də Bakıda Azərbaycan Gənc Tərcüməçilər Assosiasiyasının (AGTA) təşkilatçılığı ilə keçirilmiş Bakı Tərcümə Forumunda (Baku Translation Forum) iştirak ediblər.

Tədbirdə Elvin Abbasbəyli “Uğurlu sinxron tərcüməçi necə yetişir?” adlı məruzə ilə çıxış edib.

Forumda İngilis dili və ədəbiyyatı departamentinin tərcümə ixtisasında təhsil alan 4-cü kurs tələbəsi Aysel Əhmədova AGTA-nın gənclərlə iş üzrə yeni sədri seçilmişdir. Aysel Əhmədova da tədbirdə “AGTA-nın gələcək fəaliyyəti” haqqında qısa məruzə ilə çıxış etmişdir. Azərbaycanın müxtəlif ali təhsil ocaqlarının, tərcümə şirkətlərinin,  həmçinin yazılı və şifahi tərcüməçilərin iştirak etdiyi bu forumda dil xidmətləri sahəsində əməkdaşlıq və yenilikləri təşviq etmək üçün tədbirlər müəyyən edilmişdir.