2024-cü il sentyabrın 18-də Coğrafiya və ətraf mühit departamentinin müəllimi Rövşən Kərimov Xəzər Universitetinin tələbələri üçün iqlim dəyişmələri haqqında dərs keçmişdir. O, iqlim dəyişmələrinin baş verməsinin, bu prosesin son onilliklərdə sürətlənməsinin səbəbləri, iqlim dəyişmələrinin təsirlərinin zəiflədilməsi barədə tələbələrə ətraflı məlumat vermişdir.
R. Kərimov bu sahədə aparılan uzunmüddətli beynəlxalq əməkdaşlıq, BMT-nin İqlim Dəyişikliyi üzrə Çərçivə Konvensiyası, noyabr ayının 11-22-də Bakıda təşkil olunacaq COP-29 tədbiri, həmin tədbirin keçirilməsinin məqsədi və missiyaları haqqında auditoriyanı məlumatlandırmış, tələbələri maraqlandıran suallara cavab vemişdir.