Xəzər Universitetinin təsisçisi, Direktorlar və Qəyyumlar Şurasının sədri, polimat - çoxbilgin  şəxsiyyət kimi tanınan Prof.Akad. Hamlet İsaxanlının tərtib etdiyi “Azərbaycan sevgi şeirləri” kitabı İranda çap olunub. Kitab Hamlet İsaxanlının tərtib etdiyi, 2008-2009-cu illərdə Xəzər Universiteti Nəşriyyatında işıq üzü görmüş üçcildlik “Azərbaycan sevgi poeziyası” kitabı əsasında hazırlanmışdır. İranlı mütəxəssislər  Mürtəza Salmani və Sanaz Müvəhhid tərəfindən üçcildlik qısaldılaraq, bir kitab halında (296 səhifə) 2016-cı ildə “Azərtürk” nəşriyyatında ərəb əlifbası ilə min nüsxə tirajla nəfis şəkildə  çap olunub. Onlar kitaba ön söz də yazmışlar.

Qeyd edək ki, qısaltma zamanı üçcildliyə daxil edilmiş müəlliflər saxlanılmış, ixtisar şeirlərdə aparılmışdır.