2024-cü il  avqustun 19-23-də Xəzər Universitetində  universitetin Nəzəri Fizika Mərkəzi və Rusiyanın Tomsk şəhərində yerləşən Tomsk Dövlət İdarəetmə Sistemləri və Radioelektronika Universitetinin (TUSUR) birgə təşkilatşılığı ilə “Kompüter Elmləri və Cazibə Qüvvəsi-2024” adlı beynəlxalq konfrans keçirilmişdir.

Konfransda Azərbaycan alimləri ilə yanaşı Rusiyanın müxtəlif universitetlərindən, İspaniya, Hindistan, İran, Türkiyə, Cənubi Koreya, Yaponiya, Özbəkistan, Qazaxıstan və İordaniyadan olan alimlər də məruzələrlə canlı və onlayn çıxış etmişlər. Məruzələrin mövzuları kompüter elmləri, qravitasiya və radioelektronikanın müasir problemlərinə aid olmuşdur.