Xəzər Universiteti Türkiyədə növbəti Tədqiqatlar və İnkişaf Layihələri (R&D) Bazarının təşkilinə dair ideyanı dəstəkləyib.

Təşəbbüs texnoloji inkişafı, elm və innovasiyaları dəstəkləmək, eləcə də tələbələrin tədqiqat və inkişafa marağını artırmaq məqsədi ilə 2017-ci ildən Türkiyənin Bartın Universiteti (BARÜ) tərəfindən həyata keçirilir.

BARÜ bu payızda Azərbaycan universitetləri ilə yanaşı, Malayziya, Bosniya və Herseqovina, Özbəkistan universitetlərinin də iştirak edəcəyi yeddinci R&D Layihələri Bazarını təşkil edəcək. Üstəlik, beynəlxalq R&D Layihələri Bazarında təkcə universitet tələbələri deyil, liseydə oxuyanlar da iştirak edə bilərlər.

Qaliblərin adları bu il noyabrın 7-8-də BARÜ-də keçiriləcək festival çərçivəsində açıqlanacaq. Ən yaxşı layihələrin müəllifləri pul mükafatı alacaqlar.

Bundan əlavə, layihə iştirakçıları iqtisadiyyatın müvafiq sahələrində fəaliyyət göstərən şirkətlərin nümayəndələri ilə əlaqə yaratmaq və bununla da öz ideyalarını həyata keçirmək imkanı əldə edəcəklər.

AZƏRTAC informasiya agentliyi və bəzi ölkə saytları bu barədə xəbər yayımlayıblar.

https://azertag.az/xeber/azerbaycanin_iki_universiteti_turkiyede_r_ampd_layiheleri_bazarinda_istirak_edecek-3151454