2024-cü il avqustun 26-da 2024-2025-ci tədris ilində İkili Diplom Proqramı və Avropa Birliyinin Erasmus+ Tələbə Mübadilə Proqramında iştirak hüququ qazanmış Xəzər Universitetinin tələbələri ilə görüş keçirilib.

Görüşdə universitetin rektoru Dos. İradə Xəlilova, Tədris işləri üzrə prorektor Prof.  Məhəmməd Nuriyev, İqtisadiyyat və menecment fakültəsinin dekan müavini Dr. Xanım Nəbiyeva, Humanitar, təhsil  və sosial elmlər fakültəsinin dekan vəzifəsini icra edən Aygün Verdiyeva və Beynəlxalq əlaqələr şöbəsinin müdiri Fatimə Vəliyeva iştirak ediblər. Onlar tələbələri təbrik etmiş, öz ölkələrini və universitetlərini layiqincə təmsil edəcəklərinə əmin olduqlarını bildirmişlər. Fatimə Vəliyeva mobillik dövründə və sonrakı mərhələlər haqqında ətraflı məlumat verib.

Qeyd edək ki, İqtisadiyyat və menecment fakültəsi, Təbiət elmləri və mühəndislik fakültəsi və Humanitar, təhsil və sosial elmlər fakültəsinin  tələbələri mübadilə proqramında Turin Politexnik Universiteti (İtaliya), Koç Universiteti (Türkiyə) və Edukons Universitetində (Serbiya),

Təbiət elmləri və mühəndislik fakültəsi və İqtisadiyyat və menecment fakültəsinin tələbələri isə İkili Diplom Proqramı çərçivəsində  Bragança Politexnik İnstitutunda (Portuqaliya) təhsillərini davam etdirəcəklər.