2024-cü il avqustun 10-da “OK TAMAM” Şirkətinin təşkilatçılığı ilə Misir Ərəb Respublikasının Qahirə şəhərindəki Four Seasons hotelində Beynəlxalq Təhsil Sərgisinin  açılışı olub. Sərgidə universiteti Beynəlxalq əlaqələr şöbəsinin müdiri Fatimə Vəliyeva və Beynəlxalq əlaqələr ixtisasının 3-cü kurs misirli tələbəsi Omar Samy Mohamed Ahmed təmsil ediblər.

Sərgidə Xəzər Universitetinin nümayəndələri universitetin stendində tələbələrə ölkə haqqında, universitetin fəaliyyəti və əcnəbi tələbələrin qəbul prosesi, təqaüd imkanları, həmçinin Nailəxanım Təqaüdü barədə məlumat vermişlər. Qeyd edək ki, sərginin statistik məlumatına görə “Xəzər”in stendinə 100-ə yaxın yerli tələbə qeydiyyatdan keçərək, maraq göstərmişdir.

Beynəlxalq Təhsil Sərgisində iştirak üçün yerli tələbələrlə yanaşı valideynlər də qeydiyyatdan keçmişdilər. Onlar da Xəzər Universitetinin stendini  maraqla seyr etmiş və əlavə məlumatlar almışar.