Xəzər Uiversiteti Siyasi elmlər və fəlsəfə departamentinin müdiri Dos. Orxan Vəliyev “The Rest: Journal of Politics and Development” jurnalına redaktor müavini kimi qoşulub.

“The Rest: Journal of Politics and Development” beynəlxalq münasibətlər və inkişaf tədqiqatlarından bəhs edən jurnaldır. Jurnalda müxtəlif sahələrarası metodologiya və yanaşmalardan qlobal idarəçilik, müasir dünya siyasəti, qlobal siyasi iqtisadiyyat, “Qlobal Cənub”, ətraf mühit, vətəndaş müharibələri, terrorizm, miqrasiya, münaqişələrin idarə edilməsi və insan təhlükəsizliyi ilə bağlı nəzəri, konseptual və empirik təhlillər dərc olunur. “The Rest: Journal of Politics and Development”jurnalı xüsusilə dünya siyasətində əsas təhlildən kənarda qalan və ya kənarlaşdırılan məsələ, bölgə və mövzuları işıqlandırır.

“The Rest: Journal of Politics and Development” jurnalında mühüm sahə və sahələrarası problem və mübahisələrə toxunan və onlara töhfə verən yenilikçi və tədqiqata əsaslanan məqalələrə üstünlük verilir. “The Rest” jurnalına təqdim olunan məqalələr regional və sahə üzrə mütəxəssislər  tərəfindən ciddi anonim resenziyadan keçir.

https://therestjournal.com/title-change/