2024-cü il iyunun 22-də Xəzər Universitetinin “Mərmər” zalında 4-cü kurs Dizayn ixtisası tələbələrinin “Dizayn Portfolio” buraxılış işlərinin müdafiəsi baş tutub. Buraxılış işi müdafiəsi komissiyasına Xəzər Universiteti tərəfindən seçilən Dövlət Attestasiya Komissiyasının sədri Dos.Arzu Məmmədova dəvət olunub. Müdafiədə Memarlıq və dizayn departamentinin rəhbəri Dos.Şəhla Abbasova, aparıcı müəllimlər Leyla Hüseynova, Sevinc Həsənova, İlahə Təhməzli komissiya üzvləri qismində iştirak ediblər.
Qeyd edək ki, 4-cü kurs Dizayn ixtisası tələbələrinin təqdim etdikləri “Dizayn Portfolio”su adlı buraxılış işləri komissiya üzvlərinin maraqlarına səbəb olub.
Hazırlanan işlər Dizayn ixtisası 4-cü kurs tələbələrinin gələcək iş həyatlarına hazırlıq üçün vacib bir məqam olduğundan tələbələr bakalavr tədrisi dövründə ixtisas yönlü praktiki tapşırıqlarını kataloq şəklində təqdim ediblər.
Müdafiə zamanı tələbələr öz bacarıqlarını, üslublarını, və yaradıcılıq potensiallarını nümayiş etdiriblər.
Sonda komissiya üzvləri tələbələrə müvəfəqiyyətlər arzulayıblar.