Hər il COP (Tərəflər konfransı)  ərəfəsində baş tutan Sağlam Gələcəyin Proqnozlaşdırılması (FHF) Qlobal Sammiti  2024-cü il iyunun  18-20-də  Bakıda keçirilib. Sammitdə Xəzər Universitetinin rektoru Dos.İradə Xəlilova iştirak edib

Qlobal sammitin məqsədi iqlim dəyişikliyi və onun insan sağlamlığı üçün nəticələrini müzakirə etməkdən, iqlim və sağlamlıq təşkilatlarını bir araya gətirməkdən, həmçinin birgə fəaliyyət imkanları və strategiyalarını müəyyən etməkdən ibarət idi.

Sammitin ılk günü  Sağlam Gələcəyin Proqnozlaşdırılması üzrə Təşkilatların idarəedici direktoru Kelly Willis, Azərbaycan Xarici İşlər Nazirinin müavini Yalçın Rəfiyev, Ümumdünya Səhiyyə Təşkilatının (ÜST) Ətraf mühit, iqlim dəyişikliyi və sağlamlıq departamentinin direktoru Maria Neira və COP28-in baş direktoru Majid Al Suwaidi açılış nitqi ilə çıxış ediblər. Tədbirin ikinci günü ÜST-nin İqlim dəyişikliyi və sağlamlıq üzrə baş direktorluğunun nümayəndəsi Vanessa Kerry, dünyanın ən böyük sağlamlıq donoru - Qlobal Fondun icraçı direktoru Peter Sands və digərləri çıxış ediblər.

Sonuncu gün  Azərbaycan səhiyyə nazirinin müavini Nadir Zeynalov iqlim və insan sağlamlığı haqqında  fikir və mülahizələrini bildirib. Bundan əlavə, COP26, COP27, COP28 və COP29 nümayəndələri arasında Davamlı inkişaf üzrə COP Dialoqu baş tutub. COP məsləhətçiləri iqlim və insan sağlamlığı ilə bağlı ən vacib məsələləri müzakirə etmək üçün dəyirmi masalar keçiriblər.