2024-cü il aprelin 27-dən mayın 31-dək Elm və Təhsil Nazirliyinin dəstəyi və Bir Tələbə Könüllü Təşkilatının təşkilatçılığı ilə baş tutan “Milli Kimlik Məktəbi” layihəsinin bağlanış təlimi 2024-cü il iyunun 6-da Qusar rayonu, Zabit Rizvanov adına İmamqulukənd Kənd Tam Orta Məktəbində sonuncu təlimlə tamamlanıb. Layihə çərçivəsində 1-i ali məktəb olmaqla 35 təhsil müəssisəsində təlim keçilib.
Məqsəd Azərbaycanın gələcəyi olan gənclər arasında birgə yaşayışın möhkəmlənməsinə töfhə vermək, müxtəlifliklərin Azərbaycan xalqının zənginliyi olduğunu onlara aşılamaq olub. Layihə müddətində təhsil alanlara Azərbaycanın əldə etdiyi tarixi hərbi-siyasi zəfərin əhəmiyyəti haqqında da təlim keçilib.