2024-cü ilin aprel - may aylarında  Elm və Təhsil Nazirliyinin dəstəyi və “Bir Könüllü” Tələbələrin Əməkdaşlığı İctimai Birliyinin təşkilatçılığı ilə baş tutan “Milli Kimlik Məktəbi” layihəsi  2024 - cü il   iyunun 6-da  Qusar rayonundakı Zabit Rizvanov adına İmamqulukənd  tam orta məktəbində Xəzər Universiteti Siyasi elmlər və fəlsəfə departamentinin müdiri Dr. Orxan Vəliyev tərəfindən keçirilən sonuncu təlimlə başa çatıb.

Qeyd edək ki, Orxan Vəliyev layihənin fəal icraçılarından olaraq ali məktəb, lisey, kollec və tam orta məktəblərdə təlimlər keçirib.

Ümumilikdə layihə  çərçivəsində  1-i  ali məktəb olmaqla 35 təhsil müəssisəsində təlim keçirilib.

Layihənin məqsədi Azərbaycanın gələcəyi olan gənclər arasında birgəyaşayışın möhkəmlənməsinə töhfə vermək, müxtəlifliklərin Azərbaycan xalqının zənginliyi olduğunu onlara  aşılamaq idi. Layihə müddətində təhsil alanlara Azərbaycanın əldə etdiyi tarixi hərbi-siyasi zəfərin əhəmiyyəti haqqında da geniş məlumat verilib.