2024-cü ilin may ayının 9-13-də, Xəzər Universitet Beynəlxalq Klubunun vitse prezidenti Abdullahi Aduagba Yahaya   Bolqarıstanın paytaxtı  Sofiyada  keçirilən Erasmus Tələbə Şəbəkəsinin (ETŞ) Ümumi Assambleya görüşündə iştirak edib. Assambleya görüşündə 45 ölkənin ETŞ  milli nümayəndələri təmsil olunublar.

ETŞ  Avropanın ən böyük   tələbə təşkilatlarından biridir. Ümumi Assambleya görüşü ETŞ-in əsas qərar qəbul edən orqanıdır. Təşkilatın fəaliyyətləri ilə əlaqəli önəmli məsələlərin müzakirə və səsverməsi məhz bu görüş nəticəsində həyata keçirilir. Vitse prezident ümumi sessiyalarda aktiv iştirakı nəticəsində kiçik sessiya zamanı qrup rəhbəri kimi təyin edildi.

Sofiyada keçirilən görüş zamanı  Xəzər Universiteti Beynəlxalq Klubunun vitse prezidenti ilə bərabər ETŞ-in Beynəlxalq İdarə Heyəti Üzvləri ilə klubun inkişafı və klubun yeni yerli sessiya kimi addımları məsələsi  müzakirə edildi. Beynəlxalq İdarə Heyəti Üzvləri Xəzər Universiteti Beynəlxalq Klubunun fəaliyyətini yüksək qiymətləndirdi və  klub üzvlərinin   Yunanıstanın Selanik şəhərində  keçiriləcək Payız assembliya görüşündə iştirakları təmin olundu.

Tədbirin son günündə  Xəzər Universitet Beynəlxalq Klubunun vitse prezidenti Erasmus Tələbə Şəbəkəsinin Beynəlxalq İdarə Heyəti üzvlərinə və nümayəndələrinə hədiyyə və suvenirlər təqdim etdi.