2024-cü il iyunun 3-də Xəzər Universitetinin koordinatorluğu ilə həyata keçirilən “Azərbaycanda İnstitusional Repozitoriyalar şəbəkəsi vasitəsilə Tədqiqat Potensialının inkişafı” DIRNA (Developing Research Capacity through Institutional Repositories Network in Azerbaijan) layihəsi çərçivəsində Azərbaycan tərəfdaş universitetləri ilə online görüş keçirilib.
Görüşdə Xəzər Universitetinin İnkişaf Mərkəzinin direktoru Raziyə İsayeva, Kitabxana İnformasiya Mərkəzinin direktor müavini Aytac Misgərli və tərəfdaş Azərbaycan universitetlərinin nümayəndələri (Bakı Dövlət Unversiteti, Azərbaycan Texniki Universiteti, Dövlət Gömrük Komitəsinin Akademiyası, Gəncə Dövlət Universiteti, Naxçıvan Dövlət Universiteti, Lənkəran Dövlət Universiteti, Mingəçevir Dövlət Universiteti) iştirak ediblər.
Raziyə İsayevanın moderatorluğu ilə baş tutan görüşdə Gəncədə keçiriləcək yay məktəbində iştirak edəcək şəxslərin müəyyənləşməsi, növbəti pillələrdə sistemə daxil ediləcək resursların toplanılması kimi məsələlər müəyyənləşdirilib.