2024-cü il mayın 25-də  Psixologiya departamenti  tələbələrin autizm mövzusunda  bilgilərini artırmaq məqsədilə qonaq mühazirəçi olaraq  UAFA təşkilatı və Amerikanın Georgetown Universitetinin  Uşaq və İnsan İnkişafı Mərkəzinin birgə təşəbbüsü  ilə  hazırlanmış CHED kursunun (Uşaq, Sağlamlıq, Təhsil, İnkişaf kursu) autizm üzrə eksperti, peşə terapevti Tammi Lenerti dəvət edib. Pedaqoq-psixoloq, Xəzər Universitetinin Psixologiya departamentinin  müəllimi Sevinc Məhərrəmovanın təşəbbüsü ilə təşkil edilən görüşdə “İnklüziv təhsildə autizm” mövzusu ilə əlaqədar mühazirə təşkil edilib.

Qonağı Psixologiya  departamentinin  koordinatoru, Xəzər Psixoloji Mərkəzinin rəhbəri Mələk Kərimova səmimi qarşılayıb.  Tammi  Lenert peşə terapiyası və atipik uşaqlarla iş sahəsində qırx illik zəngin beynəlxalq təcrübəyə malikdir. Mühazirəçi autizm spektri pozğunluğunun (ASP) diaqnostik meyarları, ASP ilə əlaqəli ümumi davranışlar, autizmin öyrənməni necə çətinləşdirdiyi, inklüziv təhsilin əhəmiyyəti, ASP olan tələbələrlə işləyəkən müşahidə edilən çətinliklər və inklüziv sinifdə tətbiq olunan effektiv strategiyalar haqqında müzakirə keçib.

Mühazirədə Təhsil, humanitar və sosial elmlər fakültəsinin 70 tələbəsi və Psixologiya departamentinin əməkdaşları iştirak ediblər.

Tələbələrdən alınan  rəylərdən  seminarın onlar üçün öyrədici və maraqlı olduğu görünüb. Mühazirə onlara inklüziv təhsildə autizmli uşaqlarla işləmək üçün beynəlxalq strategiyaları anlamağa kömək edib.