Xəzər Universiteti Riyaziyyat departamentinin professoru Biləndər Allahverdiyevin “Spectral problems of non-self-adjoint singular q-Sturm-Liouville problem with an eigenparameter in the boundary condition” (“Sərhəd şərtində spektral parametr olan öz-özünə qoşma olmayan sinqulyar q-Şturm-Liuvill operatoruınun spektral məsələləri”) adlı məqaləsi “Filomat” (2024, Cild 38, № 10) jurnalında dərc olunub. Qeyd edək ki, “Filomat” jurnalı “Web of Science” və “Scopus” verilənlər bazalarında indekslənib.
Məqalədə sərhəd şərtində spektral parametr olan öz-özünə qoşma olmayan (dissipativ) q-Şturm-Liuvill sərhəd məsələsi (limit-çevrə halında) tədqiq edilir. Dissipativ operatorun funksional modeli qurulur və dilatasiyanın səpilmə funksiyası vasitəsi ilə onun xarakteristik funksiyası tapılır. Dissipativ operatorun və q-Şturm-Liuvill sərhəd məsələsinin məxsusi və qoşulmuş vektorlar sisteminin tamlığı haqqında teoremlər isbat olunur.
(In this paper, a nonselfadjoint (dissipative) q-Sturm-Liouville boundary value problem in the limit-circle case with an eigenparameter in the boundary condition is investigated. A functional model of the dissipative operator is constructed and its characteristic function in terms of scattering function of dilation is defined. Theorems on the completeness of the system of eigenvectors and the associated vectors of the dissipative operator and the q-Sturm-Liouville boundary value problem are presented).
Məqaləyə keçid: https://www.pmf.ni.ac.rs/filomat-content/2024/38-10/FILOMAT%2038-10.html
Copyright © Xəzər Universiteti, 2025
