2024-cü il mayın 22-  DAAD-ın ( Alman Akademik Mübadilə Xidməti)  Tiflis Regional Ofisi Azərbaycan Texniki Universitetində təqaüdlərin təqdimetmə mərasimini keçirib.  Tədbirdə Xəzər Universitetinin rektoru Dr. İradə Xəlilova və Neft mühəndisliyi departamentinin müdiri Dr. Elşən Abdullayev iştirak ediblər. Mərasimin açılışını Almaniya Federativ Respublikasının Azərbaycandakı Fövqaladə və Səlahiyyətli səfiri Dr. Ralf Horlemann edib. Sonra Azərbaycan Texniki Universitetinin rektoru  professor Vilayət Vəliyev qonaqları salamlayıb.Çıxış edən  DAAD-ın Tiflis Regional Ofisinin rəhbəri cənab Gebhard Reul DAAD-ın Azərbaycandakı fəaliyyəti haqqında məlumat verib. Tədbirin sonunda səfir Dr. Ralf Horlemann və cənab Gebhard Reul diplomları təqdim ediblər.

Qeyd edək ki, Dr. Elşən Abdullayev  Trier Universitetində ( Almaniya) tədqiqat aparmaq üçün DAAD-dan təqaüd alıb.