2024-cü il mayın 9-11 də Xəzər Universiteti İngilis dili və ədəbiyyatı departamentinin və Türkiyənin Manisa Celal Bayar Universitetinin (MCBU) İngilis dili və ədəbiyyatı departamentinin birgə təşkilatçılığı ilə “Dil, Ədəbiyyat və Dilçilik Fəlsəfəsi üzrə Dördüncü Beynəlxalq Konfrans (ICPL 2024)” hibrid formatda keçirildi. Konfransa təqdim edilən məqalələr Azərbaycan, Avstraliya, Bolqarıstan, Fransa, Gürcüstan, İndoneziya, İran, İtaliya, Hindistan, Qazaxıstan, Litva, Malayziya, Hollandiya, Oman, Pakistan, Polşa, Rumıniya, Rusiya, Səudiyyə Ərəbistanı, Tayvan, Türkiyə, Birləşmiş Ərəb Əmirlikləri, Böyük Britaniya, Amerika Birləşmiş Ştatları və Özbəkistandan olan tədqiqatçılar tərəfindən göndərilmişdi.
Konfransın açılış mərasimi MCBU-nun prorektoru Prof. Kurt Ay, universitetun İngilis dili və ədəbiyyatı departamentinin müdiri Prof. Məryəm Ayan və Xəzər Universitetinin İngilis dili və ədəbiyyatı departamentinin müdiri Dr. Milana Abbasovanın giriş nitqləri ilə başladı. Sonra musiqi qrupunun ifasında milli musiqilər təqdim olundu.
Dr. Alan Libert (Xəzər Universitetinin köməkçi professoru/ Nyukasl Universitetinin professoru, Avstraliya), Dr. Davud Kuhi (Xəzər Universitetinin köməkçi professoru/Azad İslam Universitetinin professoru, İran) və Prof. Toril Moi (Dyuk Universitetinin professoru, İngiltərə) əsas məruzələrlə çıxış etdilər.
Açılış mərasimindən sonra müxtəlif universitetlərdən olan tədqiqatçılar beş paneldə olmaqla iki sessiyada çıxış ediblər.
Konfransın birinci günü canlı çıxışlar dinlənildi, ikinci gün isə onlayn qaydada keçirildi.
Konfransın sonuncu günü iştirakçılar üçün görməli yerlərə tur təşkil olundu.