2024-cü il mayın 20-də Xəzər Universitetinin koordinatorluğu ilə  “Azərbaycanda İnstitusional Repozitoriyalar şəbəkəsi vasitəsilə Tədqiqat Potensialının inkişafı” DIRNA (Developing Research Capacity through Institutional Repositories Network in Azerbaijan) adlı layihə çərçivəsində növbəti  online görüş keçirilib.  

Universitetin İnkişaf direktoru Raziyə İsayevanın moderatorluğu ilə baş tutan görüşdə  onunla  bərabər  Keyfiyyətin Təminatı Mərkəzinin direktoru Lyudmila Sotova və Kitabxana İnformasiya Mərkəzinin direktor müavini Aytac Misgərli, eləcə də  tərəfdaş Avropa  universitetlərinin nümayəndələri -Avropa tərəfdaşları Jyväskylä Universiteti (Finlandiya), Università degli Studi dell’Aquila (İtaliya), İzmir Texnologiya İnstitutu (Türkiyə) iştirak ediblər.

Görüşdə Gəncə yay məktəbində keçiriləcək təlimlərin mövzuları Avropa universitetləri arasında bölüşdürülüb. Qərara alınıb ki, Azərbaycan tərəfdaş universitetlərindən yay məktəbində iştirak edəcək şəxslər müəyyənləşdirilsin.

Növbəti görüşdə yay məktəbinin proqramına yenidən baxılacaq.