2024-cü il mayın 9-da Xəzər Universitetinin əməkdaşı və psixologiya ixtisası üzrə təhsil alan  tələbəsi Humay Hüseynova Türkiyənin Manisa şəhərində Xəzər Universiteti və Manisa Celal Bayar Universitinin birgə təşkilatçılığı ilə keçirilən “Dil, Ədəbiyyat və Dilçilik Fəlsəfəsi üzrə 4-cü Beynəlxalq Konfrans”da “The art of dying: suicide and mental illness in modernist female authors’ works”  (Ölmək sənəti: müasir qadın yazıçıların əsərlərində intihar və mental problemlər”) adlı məqalə ilə çıxış edib.

Məqalədə feminist ədəbiyyatın 3 roman nümunəsi təhlil edilib, intihar və ya intihara cəhd edən qadın obrazlarının mental problemləri və bu problemlərin arxasındakı səbəblər öyrənilib, müəlliflərin şəxsi həyatı və obrazlar arasında uyğunluq araşdırılıb.

Qeyd edək ki, konfrans 9-11 may tarixlərində baş tutub.