2024-ci il mayın 1-də “MİRAS” Mədəni İrsin Öyrənilməsinə Kömək İctimai Birliyi ilə Xəzər Universiteti arasında anlaşma memorandumu imzalanıb. Tədbirdə  Xəzər Universitetinin rektoru Dr.İradə Xəlilova,  İctimai Birliyin idarə heyətinin sədri Fariz Xəlilli,  idarə heyətinin üzvləri Qafar Cəbiyev Çikar Qasımov, Məleykə Hüseynova və  Xəzər Universitetinin layihə meneceri Səlimə əhmədova iştirak ediblər.

Memorandumda  universitet tələbələri arasında elmi-praktiki məlumatların inkişafının təmin edilməsi, həmçinin sosial məsuliyyəti artıran layihələrin icrası, PİCASP layihəsi çərçivəsində yaranmış əməkdaşlığın möhkəmləndirilməsi və davam etdirilməsi məqsədilə mütəmadi görüşlərin keçirilməsi, birgə tədbirlərin təşkili, universitetin tələbələrinin bilik və bacarıqlarının davamlı inkişafının təmin edilməsi ilə bağlı layihələrin birgə icrası məqsədilə qarşılıqlı maraq kəsb edən sahələrdə əməkdaşlıq edilməsi nəzərdə tutulub.

 Müqavilədə qeyd olunan proseslərin ən qısa zamanda həyata keçirilməsi üçün hər iki tərəfin müvafiq struktur bölmələri arasında, eləcə də tələbələrlə davamlı görüşlərin keçirilməsinin vacibliyi  ilə bağlı  əməkdaşlığın faydalı olacağına əminlik bildirilib.