2024-cü il mayın 8-də Xəzər Universitetinin koordinatorluğu ilə “Azərbaycanda İnstitusional Repozitoriyalar şəbəkəsi vasitəsilə Tədqiqat Potensialının inkişafı” DIRNA (Developing Research Capacity through Institutional Repositories Network in Azerbaijan) adlı layihə çərçivəsində online görüş keçirilib. Universitetin İnkişaf Mərkəzinin direktoru Raziyə İsayevanın moderatorluğu ilə baş tutan görüşdə onunla bərabər Kitabxana İnformasiya Mərkəzinin direktor müavini Aytac Misgərli və tərəfdaş Azərbaycan universitetlərinin nümayəndələri (Bakı Dövlət Unversiteti, Azərbaycan Texniki Universiteti, Dövlət Gömrük Komitəsinin Akademiyası, Gəncə Dövlət Universiteti, Naxçıvan Dövlət Universiteti, Lənkəran Dövlət Universiteti) iştirak ediblər.
Görüşdə Gəncədə keçiriləcək yay məktəbinin proqramının müzakirəsi, iştirak edəcək şəxslərin müəyyənləşdirilməsi və qarşıda görüləcək işlərin planlaşdırılması təhlil olunub.
Tərəfdaş universitet nümayəndələri görülən işlər haqqında məlumat verib və moderator tərəfindən belə təklif irəli sürülüb ki, görülən işlər haqqında məlumat DIRNA veb saytına və sharepointə yerləşdirilsin.