2024-cü il mayın 8-də  baş tutan  tədbir Vətən Müharibəsində həyatlarını qorban verən şəhidlərimizin müqəddəs ruhlarının anımı  ilə başlandı, sonra isə Azərbaycanın Dövlət Himni  səsləndi.

 Mövzu  bu gün bütin dünya ictimaiyyətini narahat edən “Narkomaniya və Onun Fəsadları”, həmçinin “Erkən Yaş Dövründə Nikahların Gənclərimizin Həyatlarına Mənfi Rolu”   problemlərinə  həsr olunmuşdu. Tədbiri giriş sözü ilə açan İctimai Əlaqələr və Media üzrə direktor  Əlövsət Əmirbəyli  qonaqları iştirakçılara təqdim etdi. Çıxış edənlər- Bakının Nizami Rayon Polis İdarəsinin rəisi, polis polkovniki Ziya Əliyev, rəis müavini, polis polkovnik leytenantı Zaur İsayev,idarənin Yetkinlik Yaşına Çatmayanlarla Profilaktiki İşin Təşkili bölməsinin rəisi, polis moyoru Natiq Yusifov, idarənin Narkotiklərlə Mübarizə bolməsinin rəisi,polis kapitanı Elvin Əliyev,İdarənin Veteranlar Şurasının sədri Nazim Knyazov, Şura sədrinin müavini Firdövsi Bayramov, eləcə də idarənin Yetkinlik Yaşına Çatmayanlarla Profilaktiki İşin Təşkili bölməsinin inspektoru , polis kapitanı Xədicə Hüseynova narkomaniya,onun törətdiyi dəhşətli fəsadlar, erkən nikahın gənclərimizin gələcək talelərinə vurduğu zərbələr barədə danışdılar və  tələbələrə maarifləndirici   bilgilər, tövsiyələr  verdilər.

Tədbir başa çatandan sonra gənclər üçün xüsusilə ağrılı olan bu mövzu ətrafında tələbələrin  suallları mütəxəssislər tərəfindən ətraflı cavablandırıldı.