VI Ümumdünya Mədəniyyətlərarası Dialoq Forumu çərçivəsində ölkəmizdə səfərdə olan Daşkənd Dövlət Şərqşünaslıq Universitetinin Türkologiya fakültəsinin dekanı, Dos. Cumali Şabanov 2024-cü il mayın 2-də Xəzər Universitetində professor-müəllim heyəti və tələbələrlə görüş keçirib. Dillər və ədəbiyyatlar departamentinin müdiri Dos.Dilbər Zeynalova Özbək-Azərbaycan ədəbi-mədəni əlaqələrinin əhəmiyyətindən və Azərbaycan dövlətinin türk dünyası ilə sıx əməkdaşlıq siyasətindən söhbət açaraq qonağı təqdim edib.

Tərcüməçi-alim Daşkənd Universitetində Azərbaycan dilinin tədris prosesi haqda məlumat verib. Cumali Şabanov Ümummilli Lider Heydər Əliyevlə bağlı xatirələrini tələbələrlə bölüşüb. Ulu Öndərin türk dünyasına xidmətlərindən söhbət açıb. Azərbaycan və özbək ədəbiyyatından müxtəlif nümunələr səsləndirən alim tələbələri maraqlandıran sualları cavablandırıb. Dillər və ədəbiyyatlar departamentinin müəllimləri Dos.Xatirə Yusifova və Dr. İlkin Əsgərov görüşdə çıxış ediblər. Cumali Şabanov tələbələrin Azərbaycan-Özbəkistan ədəbi-mədəni əlaqələri və türk dünyası ilə bağlı  müxtəlif suallarını cavablandırıb. Görüşün yekununda qonağa  Xəzər Universitetinin hədiyyəsi təqdim edilib.