2024-cü il aprelin 24-də Xəzər Universitetinin İqtisadiyyat və menecment departamentinin təşkilatçılığı ilə “Davamlı enerjidə qərar qəbul etmə yanaşmaları” mövzusunda beynəlxalq seminar keçirildi.
İqtisadiyyat və menecment fakültəsinin dekanı Dos. Ceyhun Məmmədov giriş nitqi ilə çıxış edərək, seminarın Azərbaycan Respublikasının Prezidenti İlham əliyevin "Azərbaycan 2030: Sosial-iqtisadi inkişafın milli prioritetləri" ilə bağlı fərmanında göstərilən təmiz ətraf mühitin və yaşıl iqtisadiyyatın təşviqi üzrə milli gündəliyin məqsəd və əhəmiyyətinə uyğunluğunu vurğuladı.
Tədris işləri üzrə prorektor Prof. Məhəmməd Nuriyev tədbir iştirakçılarını, tədqiqatçıları salamladı və müxtəlif sahələr üzrə tədqiqatlarda qeyri-səlis məntiq nəzəriyyəsinin tətbiqinin əhəmiyyətindən danışdı.
Seminarda iştirak edən görkəmli beynəlxalq tədqiqatçılar - İstanbul Medipol Universitetindən Prof. Dr. Serhat Yüksel və Prof. Dr. Həsən Dinçer, Belqrad Universitetindən Prof. Dr. Draqan Pamukar, Avropa Lefke Universitetindən Prof. Dr. Mustafa Tevfik Kartal və Azərbaycan Dövlət Neft və Sənaye Universitetindən Dr. Əziz Nuriyev öz tədqiqatları və onların nəticələri haqda məlumat verdilər .
İnteraktiv formada keçən tədbirdə suallar çavablandırıldı, müzakirələr aparıldı və bu da gələcək tədqiqat ideyalarının formalaşmasına təkan verdi.