Xəzər Universiteti Neft mühəndisliyi departamentinin 4 tələbəsi aprelin 20-də Azərbaycan Neftçi Geoloqlar Cəmiyyətinin (ANGC) təşkil etdiyi konfransda iştirak etmişlər.

Konfransda bakalavr tələbələri Elvin Əlizadə “Marsda smeltitlərin stabilliyi” və Fatimə Paşazadə isə “Marsda Gale kraterinin çöküntü mənşəyi” mövzusunda, magistr tələbələri Arif Rüstəmov “Neft hasilatının uzunmüddətli proqnozlaşdırılması: lay simulyasiya modellərinin müqayisəli təhlili və maşın öyrənmə yanaşmaları” və Məsud Babayev isə “Ağır Neftlərin İstismar Prosesinin Optimizasiyası” mövzusunda çıxış etmişlər. 

Tələbələrimizin təqdim etdiyi mövzular ASPG və münsiflər heyəti tərəfindən yüksək qiymətləndirilmişdir. Arif Rüstəmov təqdim etdiyi mövzu ilə I yerə, Fatimə Paşazadə isə II yerə layiq görülmüşdür.

Qeyd edək ki, Arif Rüstəmov və Məsud Babayevin elmi rəhbəri Dr. Grigorii Penkov, Elvin Əlizadə və Fatimə Paşazadənin elmi rəhbəri isə Dr. Elşən Abdullayevdir