Azərbaycanda fəaliyyət göstərən ilk İnternet provayder şirkətlərindən biri olan “Azeronline Ltd” Birgə Müəssisəsinin (BM) idarəetmə strukturunda dəyişiklik olmuşdur. Xatırladaq ki, “Azeronline LTD” BM 1999-cu ildə “Azercell Telekom” tərəfindən təsis edilib, onun törəmə şirkətidir.

2024-cü ilin aprel ayından etibarən “Azeronline Ltd” BM-nin Baş müdiri vəzifəsinə Kənan Elxan oğlu Məsumov təyin edilmişdir.

Telekommunikasiya sahəsində 15 ildən artıq təcrübəyə malik olan Kənan Məsumov son 3 ildə sabit internet biznesinin idarə edilməsi sahəsində müxtəlif rəhbər vəzifələrdə fəaliyyət göstərmiş, “Azerconnect” şirkətində Kommersiya direktoru və “Bakı Telefon Rabitəsi” MMC-də Baş direktorun müşaviri vəzifəsini icra etmişdir.

Kənan Məsumov 2005-2011-ci illərdə Xəzər Universitetində “Beynəlxalq iqtisadi münasibətlər “ ixtisası üzrə bakalavriat pilləsini bitirib. ABŞ-ın Berkshire Community College-ində də təhsil almışdır. Hazırda dünyanın aparıcı biznes məktəblərindən biri sayılan Birləşmiş Krallığın Warwick Business School-da Biznesin İdarə Edilməsi üzrə magistr təhsilini davam etdirir.

Saytlar bu barədə xəbər yayımlayıb:

https://1news.az/az/news/20240424034604827-Azeronline-LTD-BM-e-yeni-rehber-teyin-olundu

https://banker.az/azercellin-tor%C9%99m%C9%99-sirk%C9%99tin%C9%99-yeni-r%C9%99hb%C9%99r-t%C9%99yin-edilib/

https://qafqazinfo.az/news/detail/azeronline-ltd-bm-e-yeni-rehber-teyin-olundu-433959