2024-cü il martın 13-dən aprelin 5-dək   Exeter  Universiteti (İngiltərə) və Xəzər Universiteti arasında “Səsinizi COP-29-da duyurun: Azərbaycan virtual yaradıcı seminarı” adlı tədbir  keçirilib. Tədbirdə hər iki universitetin əməkdaşları, tələbələri, “Dünya” məktəbinin şagirdləri iştirak ediblər.

Seminarların keçirilməsində məqsəd iqlim dəyişmələri və bundan qaynaqlanan digər problemlərə tələbələrin yaradıcı yanaşmasını meydana çıxarmaqdır.  Seminarlar ərzində tələbələr onlara verilmiş açar sözlərə əsasən hekayələr yazmış, iqlim və ekoloji böhranlara humanist yanaşmalar ortaya qoymuş, davamlı, sağlam və sosial ədalətli dünya yaratmaq ideyası ətrafında fikirlərini bölüşmüşlər.

Seçilmiş hekayələrin bu il ölkəmizdə baş tutacaq COP-29 konfransında səsləndirilməsi və kitab formasında çap olunması nəzərdə tutulur.