2024-cü il aprelin 18-də Xəzər Universitetinin Humanitar, təhsil və sosial elmlər fakültəsinin tarix müəllimliyi ixtisasının ikinci kurs tələbələrinin “Müharibələr tarixi” fənnindən “Azərbaycanın müdafiə tikililəri” mövzusunun davamı olaraq fənn müəllimi Orxan Zamanovun təşkilatçılığı ilə “İçərişəhər qala divarları”, “Dördkünc bürc”, “Qız qalası” və “Şirvanşahlar sarayının müdafiə divarları” abidələrinə tədris ekskursiyası təşkil olunub. Tədrisdə əyaniliyin təmin edilməsi üçün təşkil edilmiş xüsusi akademik ekskursiya Azərbaycanın müdafiə memarlığının vacib tərkib hissəsi olan İçərişəhərin müdafiə istehkamlarının xalqımızın hərb sənəti və tarixindəki əhəmiyyətli rolunun öyrənilməsi baxımından əhəmiyyətlidir.
Tədris ekskursiyası zamanın həm fənn müəllimi, həm də tələbələr sözügedən qalaların tarixi-funksionallığı, çoxməqsədli istifadəsi və onların vətənimizin tarixində rolu haqqında ətraflı məlumat alıblar, digər Azərbaycan qalaları barədə geniş müzakirə aparıblar. Abidələr ilə əyani tanışlıq tələbələr tərəfindən maraqla qarşılanıb.