2024-cü il aprelin 18-də Landmark otelində litvalı dənizçi Simas Kudirkanın həyatından bəhs edən “Son fürsət” sənədli filminin nümayişi baş tutmuşdur. Rejissoru Gedre Jitskite olan film 1970-ci ildə sovet gəmisindən ABŞ gəmisinə tullanan və amerikalılardan sığınacaq istəyən dənizçidən bəhs edir. Film boyu S.Kudirka azadlığa doğru olan inanılmaz hekayəsindən danışır.

Qeyd edək ki, film müxtəlif kinofestivallarda nümayiş etdirilib və nüfuzlu mükafatlara, o cümlədən Varşava Beynəlxalq Film Festivalında “Ən yaxşı bədii sənədli film” mükafatına layiq görülüb.

Film Xəzər Universitetinin İngilis dili və ədəbiyyatı departamentinin və Tərcümə mərkəzinin rəhbərliyi altında tərcümə ixtisasında təhsil alan 4-cü kurs tələbələri Asif Məmmədov, Təhmin Bəkirov, Aysel Məmmədova, Səriyyə Rəşidova tərəfindən tərcümə edilmişdir.

“İlk dəfədir ki, bu filmi azərbaycanca subtitrlərlə nümayiş etdiririk. Çox şanslıyıq ki, Xəzər Universitetinin tələbələri və əməkdaşları ilə birlikdə bunu edə bildik”, - Litvanın Azərbaycandakı müvəqqəti işlər vəkili Viktoras Daqilis bildirib.

Tədbir zamanı, həmçinin, filmin Azərbaycan dilinə tərcüməsində və subtitrlərdə əks olunmasına köməklik göstərən Xəzər Universitetinin tələbələrinin mükafatlandırma mərasimi keçirilib.

Saytlar bu barədə xəbər yayımlayıb.

https://report.az/incesenet-xeberleri/bakida-litvali-denizci-haqqinda-senedli-film-numayis-olunub/ və s.