Siyasi elmlər və fəlsəfə departamentinin müdiri  Dr. Orxan Vəliyev  2024-cü il  22 aprel - 31 may tarixlərində Elm və Təhsil Nazirliyinin dəstəyi və “Bir” Könüllü  Tələbə Təşkilatının təşkilatçılığı ilə baş tutacaq “Milli Kimlik” layihəsi çərçivəsində təlimi keçəcək.

Aprel-may aylarını əhatə edəcək layihə gənclər arasında milli kimlik anlayışının gücləndirilməsi, gənclərin kimlik məsələsində radikal meyllərdən uzaq olması, dini və milli tolerantlığın təbliği, eləcə də milli-mənəvi dəyərlərin qorunub saxlanılması məqsədi daşıyacaq.

Ümumi və ali təhsil müəssisələrində təşkil olunacaq “Milli kimlik” məktəbi çərçivəsində ümumilikdə 50 təhsil ocağına ziyarətin təşkili və 4000-dən çox gəncin bu layihədən faydalanması hədəflənib.

Siyasi elmlər, tarix, sosiologiya kimi sahələrin mütəxəssisləri tərəfindən keçiriləcək təlim proqramları vasitəsilə iştirakçılar Azərbaycanın siyasəti, tarixi, mədəniyyəti, eyni zamanda cəmiyyətə dair nəzəri və praktik biliklərə yiyələnə biləcəklər.

  layihə çərçivəsində iştirakçıların ölkəmizin müxtəlif tarixi məkanlarına, muzey və abidələrə ziyarəti, həmçinin  intellektual yarışlarda iştirakı nəzərdə tutulur.

Link: https://konullu.edu.az/?fbclid=IwZXh0bgNhZW0CMTAAAR2x0bLPDhI5unaWvP8FUx2kQZ9Hg5lomW-ecNHCPkmsCRLoJebjgalTG2Q_aem_AZvUnod_aVn9E5LjoMmVyxkMkaOaTowIBJbX_2V0-beeRlNcZobrKnrZGNbqbqK37vMJQzKxi35raFhnQKd5V5Kp