Tələbə Təhsil Mərkəzi tərəfindən "Uğurlu Azərbaycan Tələbələri" ensiklopediyasının 1-ci cildi çap olunuşdur. Ensiklopediyaya daxil edilimş  tələbə arasında Xəzər Universitetinin  İqtisadiyyat və menecment fakültəsinin IV kurs tələbəsi Əliyev Şahin Vüqar oğlunun da  yer almışdır.  Ensiklopediyada onun təhsil aldığı dövrdə iştirak etdiyi təlimlər, konfranslar, təltif olunduğu sertifikatlar, mükafat,  medallar və müəllifi olduğu kitablarla bağlı məlumat verilir.

 Qeyd olunur ki, Gənc Vətənpərvərlər İctimai Birliyinin İctimaiyyətlə əlaqələr və təbliğat şöbəsinin müdiri vəzifəsində çalışmış Şahin Əliyev  hazırda  təsis etdiyi Əbədi Birlik Gənclər İctimai Birliyində sədr kimi öz fəaliyyətini davam etdirir. Eyni zamanda, Türkiyənin BZT Akademiyasının Azərbaycandakı nümayəndəliyinin idarə heyətinin üzvü, Qazaxıstanın Beynəlxalq Xalq Diplomatiyası Birliyinin gənclərlə iş üzrə nümayəndəsidir. Beynəlxalq İnformasiya Agentliyinin Türk dünyası üzrə müşaviri, BMT tərəfdaşı -  Beynəlxalq İnsan Hüquqları Müdafiə Komitəsinin konsultantı seçilmişdir. Şəhid və qazi ailələrinə göstərdiyi diqqətə görə Patriots Awards mükafatçısıdır. I dərəcəli Hacı Zeynalabdin Tağıyev medalı və Ukraynanın Zaporoji kazaklarının medalı ilə təltif olunmuşdur. Bir çox ictimai-siyasi təşkilatların üzvü, tezis və layihə  müəllifidir. Azərbaycan Respublikasının Prezidenti İlham Əliyevə həsr olunmuş “İlhamlı Zəfər - 20” kitabının müəllifidir.