Xəzər Universitetinin İqtisadiyyat və menecment fakültəsinin tələbəsi Şahin Əliyevin “Əbədi Birlik” Gənclər İctimai Birliyinin sədri olaraq yazdığı məqalə Afrika Jurnalistlər Konqresi Beynəlxalq jurnalının mart nömrəsində dərc olunub.
O, məqalədə Yeni Kaledoniyada keçirilən aksiyada Azərbaycan Prezidenti İlham Əliyevin və “Dəmir yumruq” plakatlarının qaldırılmasının qürurverici olması, Azərbaycanın Qoşulmama Hərəkatına sədrliyi dövründə Azərbaycan Prezidentinin Fransanın timsalında dünyada neokolonializm meyillərinin artmasından bəhs etməsi, Qəmər arxipelaqının Mayot adası, həmçinin Yeni Kaledoniya xalqlarının, o cümlədən digər dənizaşırı icma və ərazilərdə yaşayan xalqların hüquqlarına və azadlıqlarına hörmət etməməsi mövzusundakı fikirlərini bölüşüb.
Qeyd edək ki, bu jurnal Afrika qitəsində yerləşən 30-dan artıq (Misir, Zimbabve, Tunis, Efiopiya, Nigeriya, Uqanda, Tanzaniya, Esvatini, Cənubi Afrika və s.) ölkədə nəşr olunmaqdadır.