2024-cü il martın 28-də Həyat elmləri departamentinin təşkilatçılığı ilə Zəncan Tibb Universitetinin( İran İslam Respublikası, Tehran) professoru Saeed Kaboli Xəzər Universitetinin mərmər zalında keçirilən tədbirdə “CRISPR-Based Diagnostics: Challenges, Potentials and Applications” (CRISPR Əsaslı Diaqnostika: Problemlər, Potensiallar və Tətbiqlər) adlı təlim proqramı ilə çıxış edib. Təlim zamanı, mütəxəssis əvvəlcə CRISPR-Cas9 texnologiyası, onun yaranması, əhəmiyyəti və tətbiq sahələri barədə geniş məlumat verib. Daha sonra isə CRISPR-Cas9-un gen redaktəsində, müxtəlif infeksion xəstəliklərin diaqnozunda istifadəsi, crRNT-nin dizayn edilməsi, bioinformatik proqramlardan və məlumat bazalarından istifadə haqqında geniş məruzələr edib. Təlimdə Xəzər Universitetinin professor- müəllim heyəti və tələbələri ilə yanaşı, müxtəlif elmi tədqiqat müəssisələrinin tədqiqatçıları da qoşulublar. Təlim interaktiv şəkildə keçirilib, tələbələri və tədqiqatçıları maraqlandıran suallar ətraflı cavablandırılıb.