Türkiyəli  professor  Ahmet Arslan   2024-cü il  aprelin 1-də Xəzər Universitetinin  Siyasi elmlər və fəlsəfə departamentinin müəllim heyəti və tələbələri ilə görüşüb.

Görüşdə  departament müdiri Dr. Orxan Vəliyev, departament assistenti və müəllimi Aydan Raufqızı, müəllimlərdən Gülcan Qulaxmed, Rahil Dadaşlı, Humanitar və sosial elmlər fakültəsinin dekan müavini Aygün Verdiyeva, İctimai əlaqələr və media üzrə direktor Əlövsət Əmirbəyli  iştirak ediblər.

 Söhbət zamanı   Prof. Ahmet Arslan həyat təcrübəsindən danışıb, fəlsəfənin tarixi, müasir dövrdə fəlsəfənin yeri və rolu, Azərbaycan və Türkiyə əlaqələri və digər məsələlər  müzakirə olunub. Professorun çıxışından sonra tələbələrin sualları cavablandırılıb.

Görüşdən sonra Xəzər Universitetinin rəhbərliyi adından  Prof. Ahmet Arslan`ın 80 illik yubileyi münasibətilə ziyafət təşkil olunub və rektor Dos. İradə Xəlilova Prof. Ahmet Arslana Xəzər Universiteti adından  hədiyyə təqdim edib.