2024-cü il martın 30-da  Xəzər Universiteti İnkişaf Mərkəzinin təşkilatçılığı ilə Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyi tərəfindən maliyyələşdirilən “Smart Solutions” inkubasiya proqramının final tədbiri keçirilib.

Tədbiri  Xəzər Universiteti İnkişaf Mərkəzinin direktoru Raziyə İsayeva açaraq, layihə haqqında qısa məlumat verib və  hər kəsə uğurlar arzulayıb.

 İqtisadiyyat və menecment fakültəsinin dekanı Ceyhun Məmmədov çıxış edərək,  startapların gənclər üçün  əhəmiyyətindən  bəhs edib.

İnnovasiya və Rəqəmsal İnkişaf Agentliyinin əməkdaşı Nigar Abdullayeva  çıxışında   6 aylıq proqramın uğurla yekunlaşmasını qeyd edib və   layihə meneceri Məhin Cəbrayilovaya, eləcə də  layihə koordinatoru Səbinə Quluyevaya təşəkkürünü bildirib.  Sonra  o, gənclər üçün İnnovasiya və Rəqəmsal İnkişaf Agentliyinin yaratdığı imkanlardan  və gənclərin bu proqramlara qoşulmasının vacibliyindən danışıb.

Tədbirin növbəti hissəsində bütün komandalar öz ideyalarını təqdim ediblər   və münsiflər heyətinin suallarını cavablandırıblar.

 Fasilədən sonra qalib komandalar müəyyənləşdirilib:

1-ci yer - ECWA-Express connection with an ambulance device

Xəzər Universitetinin Kimya - Biologiya müəllimliyi ixtisasının sonuncu kurs tələbələri : Afət Əhmədova, Şəfa Yusifova, Aişə Bəşirli birinci yerin qalibləri olaraq 3000 manat mükafatla təltif olunmuşlar.

2-ci yer - Medappoint-Medical appointment app

Xəzər Universitetinin  Kompüter Sistemlərinin və Şəbəkələrinin Proqramı Təminatı ixtisasında təhsil alan magistratura tələbələri: Yusif Oruclu, Uğur Hüseynli, Fatimə Əlizadə və Bakı Dövlət Universitetinin  Jurnalistika ixtisasının üçüncü kurs tələbəsi Röya Yusifbəyli ikinci yerin qalibləri olaraq 2000 manat mükafatla təltif olunmuşlar.

3-cü yer - Eagleeye- Mine Detecting drones

Bakı Avrasiya Universitetinin IT ixtisasında təhsil alan Əli Şixəli, Elcan Hüseynzadə və Azərbaycan Fransız Universitetinin Neft-Qaz mühəndisliyi ixtisasında təhsil alan Nihad Əliyev üçüncü yerin qalibləri olaraq 1000 manat mükafatla təltif olunmuşlar.

Qaliblərə mükafat təqdim edilib.