2024-cü il martın 17-də İngilis dili və ədəbiyyatı departamentinin müdiri fil.ü.f.d. Milana Abbasova Təhsil Forumu Sosial Platformasının təşkil etdiyi Xarici dil müəllimlərinin həmrəylik forumunda əsas çıxışçı kimi “Xarici dillərin multikultural cəmiyyətdə rolu” mövzusunda çıxış edib. 300-dən çox xarici dil müəlliminin iştirak etdiyi forum Pullman otelinin konfrans zalında keçirilib. Forumda İngilis dili və ədəbiyyatı departamentinin müəllimləri Şəhla Gəməri, Nərmin Əskərova, Sevda Əsədova, Jalə İsmayılova, Nərgiz Məmmədova da iştirak ediblər.