2024-cü il martın 14-də Xəzər Universitetinin “Elmi Tədqiqat Nəzəri Fizika Mərkəzi” nin tədqiqatçısı Dr. Şəhriyar Cəfərzadənin “50 Yaşlı Kvant Xromodinamikası və Mezonlar” mövzusunda seminarı keçirilib.
Seminarda Xəzər Universitetinin müəllim, professor heyəti, tələbələri və tədqiqat mərkəzinin əməkdaşları iştirak ediblər.
Mərkəzin direktoru Şahin Məmmədov məruzəçini təqdim edərək qeyd edib ki, Şəhriyar Cəfərzadə 2019-2023 cu illərdə doktorantura təhsilini Polşanın Kielce şəhərində yerləşən Jan Kochanowski Universitetində, prof. Dr. Francesco Giacosa-nın rəhbərliyi ilə davam etdirib. 2022-ci ildə Amerikanın New York ştatında yerləşən Brookhaven National Laboratoriyasının Nəzəri Nüvə fizikası Labaratoriyasında 1 aylıq təcrübə keçib. Hazırda əsas elmi maraq dairələri nəzəri yüksək enerjilər fizikası və nəzəri nüvə fizikasıdır. Sonra o, sözü Şəhriyar Cəfərzadəyə verib. Seminar iştirakçıların müzakirələri ilə davam edib.
Yekunda məruzəçi Dr. Şəhriyar Cəfərzadəyə sertifikat təqdim olunub.