Siyasi elmlər və fəlsəfə departamentinin müdiri Dr.Orxan Vəliyev 2024-cü il martın 13-də İstanbulda yerləşən İbn Haldun Universiteti Heydər Əliyev Avrasiya Araşdırmaları Mərkəzinin müdiri Prof. Yaşar Sarının dəvəti ilə ikinci nəşri 2023-cü ilin sonunda Türkiyədə təkrar nəşr olunan “Azərbaycan Millətçiliyi” monoqrafiyası ilə bağlı onlayn mühazirə oxuyub.
Qeyd edək ki, Dr.Orxan Vəliyevin kitabı çarlıq dövründə Azərbaycanın millət və dövlət inşa prosesinin tədqiq edildiyi “Çarlıq Dövrü Azərbaycanın millətləşmə prosesi: 1850-1920” mövzusunda yazılmış dissertasiya əsasında çap edilib.
Departament müdiri mühazirədə Azərbaycanın millətləşmə və dövlətləşmə təcrübəsini izah etməklə yanaşı, 2020-ci ildə əldə edilən zəfərin milli kimlik və dövlət inşasının tamamlanmasında həlledici bir mərhələ olduğunu xüsusilə vurğulayıb. Mühazirə sual-cavabla tamamlanıb.