2024-cü il martın 13-də İqtisadiyyat və menecment departamentinin təşkilatçılığı ilə İstanbul Universitetində "Əmək İqtisadiyyatı və Sənaye Münasibətləri" ixtisası üzrə təhsil alan doktorantura tələbəsi Əli Rzayevin "Yaşıl İqtisadiyyata Keçiddə Yaşıl Məşğulluğa Azərbaycan Əmək Bazarı Kontekstində Baxış” mövzusunda İqtisadiyyat və Biznes Yüksək Təhsil fakültəsinin tələbələri üçün çıxışı baş tutub.

O, öz çıxışında yaşıl iqtisadiyyata keçidin vacibliyindən söz açıb. Bildirib ki, qlobal iqtisadiyyat dövründə təbii ehtiyatların həddindən artıq istifadə edilməsi yaşıl iqtisadiyyatın önəmini artırıb. Əli Rzayev daha sonra yaşıl iqtisadiyyata keçidin yaşıl məşğulluğa təsirindən bəhs edib. Natiq Azərbaycanın əmək bazarında yaşıl məşğulluqla bağlı əngəllərin aradan qaldırılmasının, bu istiqamətdə müxtəlif işlərinin aparılmasının vacibliyini də vurğulayıb.

Əli Rzayev çıxışının yekununda yaşıl iqtisadiyyat və əmək bazarı haqqında müəyyən statistik məlumatları tələbələrlə bölüşüb.