Siyasi elmlər və fəlsəfə departamentinin müdiri Dos. Orxan Vəliyev 2024-cü il martin 12-də Beynəlxalq Münasibətlərin Təhlili Mərkəzi tərəfindən təşkil edilən müzakirədə “Yeni dövrün xarici siyasətində milli hədəflər” mövzusunda çıxış edib.

Azərbaycan Respublikasının Prezidenti İlham Əliyevin milli ideoloji inkişaf və onun müdafiəsi üçün konseptual proqram xarakterli çıxışındakı tezisləri ilə əlaqədar Beynəlxalq Münasibətlərin Təhlili Mərkəzində (BMTM) müzakirələr təşkil edilib.

“Milli İdeya müzakirələri: Yeni dövrün xarici siyasətində milli hədəflər” başlığı ilə keçirilən toplantıda əsas istiqamətlər Azərbaycan Respublikasının təhlükəsizliyinin qorunması, yeni geosiyasi reallıqlar fonunda sərhədlərin mühafizəsi, beynəlxalq böhranlara adekvat reaksiya və mümkün ideoloji risklərə qarşı preventiv tədbirlərin görülməsi olub.

Yerli beyin mərkəzlərindən, ali təhsil müəssisələrindən nümayəndələr, eləcə də millət vəkilləri, hökumət rəsmiləri və ekspertlər sözügedən mövzular ətrafında fikir mübadiləsi aparıblar.

https://www.youtube.com/watch?v=hK7pNXl6S2M