Mən Li Yushan, Pekin Universitetinin tələbəsiyəm, beş aylıq tədris kursu üçün Azərbaycanın Xəzər Universitetinə gəlmişəm. Tədqiqat sahəm beynəlxalq münasibətlər və diplomatiya, xüsusən də “Bir kəmər və yol” təşəbbüsü vasitəsilə Çin və Azərbaycan arasında inkişaf edən münasibətlərdir.

Mən, eyni zamanda, Azərbaycan dilini təkmilləşdirməyə də çalışıram. Azərbaycan dili mənim üçün xüsusilə əhəmiyyətlidir, çünki Çində bakalavr təhsili zamanı öyrənmişəm. Ümid edirəm ki, dil biliklərimlə buradakı tələbələrlə yaxşı dostluq münasibətləri qura biləcəyəm.

Mən Xəzər Universitetini beynəlxalq və multikultural mühitə, mükəmməl tədris resurslarına və mentorum Dr. Fərid Quliyevin rəhbərliyinə görə seçdim. İnanıram ki, burada keçirdiyim vaxt mənim üçün çox faydalı olacaq.

Təhsil ilə yanaşı, Azərbaycanın mədəni zənginliyini, tarixi əhəmiyyətini kəşf etmək və insanların isti münasibətini hiss etmək məni çox həyəcanlandırır.

Mənim tədqiqatım bugünkü qlobal dinamikada mühüm əhəmiyyət kəsb edən Transxəzər Beynəlxalq Nəqliyyat Marşrutuna yönəldiləcək. Ümid edirəm ki, bu araşdırmam gələcək tədqiqatlar üçün faydalı olacaq.

Mən, həmçinin, təhsil səviyyəmi inkişaf etdirmək və Azərbaycan mədəniyyət ilə yaxından tanış olmaq üçün müxtəlif universitet fəaliyyətlərində iştirak etməyi səbrsizliklə gözləyirəm.