2024-cü il martın 1-də Xəzər Universitetinin Ingilis dili və ədəbiyyatı departamentinin Tərcümə Mərkəzi ilə birgə təşkil etdiyi II Milli Ardıcıl Tərcümə Müsabiqəsinin (II National Consecutive Interpretation Contest) Bakı Slavyan Universiteti üzrə seçim turu keçirilib. Seçim turunda tərcümə fakültəsində (ingilis dili ixtisasında) oxuyan və ardıcıl tərcümə qabiliyyəti güclü olan tələbələr cəlb olunublar.

Xəzər Universitetinin İngilis dili və ədəbiyyatı departamentinin müdiri Milana Abbasova və Beynəlxalq Sinxron Tərcüməçilər Assosiasiyasının ilk azərbaycanlı üzvü, Fransa prezidentinin və hökumətinin akkreditasiyalı tərcüməçisi, Xəzər Universitetinin Tərcümə Mərkəzinin koordinatoru Elvin Abbasbəyli münsiflər heyəti olaraq tələbələri əvvəldən müəyyən olunmuş meyarlar əsasında qiymətləndiriblər.

Seçim turunun qalibləri müsabiqənin may ayında keçiriləcək final mərhələsində Bakı Slavyan Universitetini təmsil edəcəklər.