2024-cü il martın 3-də Xəzər Universitetinin Dillər və ədəbiyyatlar departamentinin müəllimi, yazar-ədəbiyyatşünas alim Ramil Əhməd Bakı Dövlət Universitetində “Xəyaldan gerçəkliyə: yaradıcı yazarlığın öyrədilmə metodları” adlı təlim keçib.

BDU Filologiya fakültəsinin təşkilatçılığı ilə keçirilən təlimdə yazarlığın öyrədilmə metodlarının dünya təcrübəsindən danışılıb və tələbələrin sualları cavablandırılıb. Qeyd edək ki, Ramil Əhməd “Yaradıcı yazarlığın estetikası və pedaqogikası” adlı doktorluq dissertasiyasını İstanbul Universitetində uğurla müdafiə edib. Bu, Türkiyə və Azərbaycanda Creative Writing sahəsi üzrə yazılan ilk doktorluq dissertasiyasıdır.