2024-cü il fevralın 21-22-də Türkiyənin İstanbul şəhərində Marmara Qrupu Vəqfi 27-ci Avrasiya İqtisadiyyat Zirvəsi keçirmişdir. Zirvə toplantısında dünyanın 40 ölkəsindən 2 dövlət başçısı, 18 sabiq prezident olmaqla 800-dən artıq nümayəndə iştirak edirdi. Zirvə toplantısına Xəzər Universitetinin İctimai əlaqələr və media üzrə direktoru Əlövsət Əmirbəyli də dəvət olunmuşdu.

Toplantını giriş sözü ilə Marmara Qrupu Vəqfinin başqanı Akkan Suver açaraq, dövlət başçılarını və bütün qonaqları salamladı. İstanbul valisi Davut Gül Türkiyə Prezidenti Recep Tayyip Erdoğan`ın Zirvə toplantısının iştirakçılarına ünvanlanmış məktubunu oxudu.

Zirvə toplantısının 1-ci günü Özbəkistanın sabiq Xarici işlər naziri Vladimir Norov, İsveçrə Başqan yardımçısı David Chikvaidze, Türkiyə Akın Soft Yönətim İdarə Heyətinin Başqanı Özgür Akın, Şimali Makedoniya nazir yardımçısı Cabir Doko, İstanbul Rum Patriği Ekümenik Patrik Bartholomeos, BMT Dünya Barış və Sevgi Federasiyası Başqanı Hong Tao Tze, Polşa senatoru Boqdan Adam Klich, Qaqauziya valisi (2015-2023), Türkiyə Dəyanət İşləri başqanı (2003-2010), Çin Xalq Respublikası Xinhua İnstitutu Başqanı Liu Gang, Bosna Hersek Müdafiə naziri Ledzad Lokmiç, Türkiyə Süryani Katolik Patrik vəkili Korepiskopos Orhan Çanlı, Türkiyə Hahambaşılığı Dini Qurum üzvü Naftali Haleva, Bolqarıstan - Slaviani Vəqfi Başkanı Zahari Zahariev və digərləri qısa nitq söylədilər.

Zirvə toplantısının 2-ci günü keçirilən ilk iclasında dünyanın 10 ölkəsindən 20-dən artıq dövlət, bələdiyyə və qeyri-hökumət təşkilatlarının nümayəndələri müxtəlif məruzələrlə çıxış etdilər. Xəzər Universitetinin İctimai əlaqələr və media üzrə direktoru Ə. Əmirbəyli həmin iclasın katibliyinə seçilmişdi.

Zirvə toplantısının sonuncu günü sabiq prezidentlər Abdullah Gül (Türkiyə - video) ), Marina Çavara, Mladen İvaniç (Bosniya-Herseqovina), Emil Konstantinescu (Rumıniya), George İvanov (Makedonya), İvo josipovic, Stjepan Mesic (Xorvatiya), Vaclav Klaus (Çexiya), Petru Luçinski (Moldova), Moncef Marzouki (Tunis), Nambar Enkhbayar (Monqolustan), Fatmir Sejdiu (Kosova), İrina Vlah (Qaqauziya), Filip Vujanovic (Karadağ), Valdes Zatlers (Latviya), Ersin Tatar (KKTC), Danilo Türk (Sloveniya) çıxış edərək, son zamanlar dünyada yaranmış vəziyyətlə bağlı ölkələrinin mövqelərini bildirdilər.

Zirvə toplantısının sonunda xatirə şəkilləri çəkildi. Marmara Qruuu Vəqfi tərəfindən xarici ölkə rəhbərlərinin və qonaqların şərəfinə ziyafət verildi.