Xəzər Universitetində “Aşağı Ölçülü Materialların Tədqiqatı” mərkəzi yaradılıb. Mərkəzin direktoru Fizika elmləri doktoru, Dos. Mətləb Mirzəyev təyin edilib.

Mətləb Mirzəyev Rusiyanın Birləşmiş Nüvə Tədqiqatları İnstututunda Flerov adına Nüvə reaksiyaları laboratoriyasının elmi işçisidir.

Mərkəzin elmi fəaliyyəti üçölçüdən kiçik ölçülü strukturlar da daxil olmaqla aşağı ölçülü sistemlərlə bağlı müxtəlif tədqiqat işlərindən ibarətdir. Mərkəzin ilkin tərkibi 11 nəfərdən ibarətdir və onun 1 nəfəri elmlər doktoru, 2 nəfəri dosent, 3 nəfəri fəlsəfə elmləri doktoru, 6 nəfəri isə doktorantdır. Üzvlər Azərbaycan, Türkiyə, Rusiya kimi ölkələrin elm qurumlarında fizika sahəsi üzrə elmi fəaliyyət göstərirlər.

Mərkəzin əməkdaşlıq etdiyi beynəlxalq təşkilatlar: Optoelektronika üzrə Milli Tədqiqat və İnkişaf İnstitutu (Maqurele, Rumıniya), Beynəlxalq Hökumətlərarası Təşkilatın Birgə Nüvə Tədqiqatları İnstitutu (Dubna, Rusiya), Elektronika İnstitutu (Bolqarıstan Elmlər Akademiyası, Sofiya), Nüvə Tədqiqatları və Nüvə Enerjisi İnstitutu (Bolqarıstan Elmlər Akademiyası, Sofiya), L.N. Qumilyov adına Avrasiya Milli Universiteti (Astana, Qazaxıstan), Nüvə Fizikası İnstitutu (Polşa) Elmlər Akademiyası, Krakov və s. ölkələrdir.