2024-cü il fevralın 26-da Xəzər Universitetinin Mərkəz kampusunda Xocalı soyqırımının 32-ci ildönümünə həsr olunan anım günü keçirilib. Tarix və arxeologiya departamentinin təşkilatçılığı sayəsində reallaşan tədbirə qatılan müəllimlər, qazilər və tələbələr Xocalı şəhidlərinin əziz xatirəsini yad ediblər. Departamentin müdiri Dos. Telman Nüsrətoğlunun və qazilərin çıxış etdikləri mərasimdə anım gününün mahiyyətinə uyğun mahnılar, şeirlər səsləndirilib və səhnələr nümayiş etdirilib.