2024-cü il fevralın 15-də Dövlət Miqrasiya Xidməti əməkdaşlarının Azərbaycanda əcnəbi işçi qüvvəsini işəgötürənlərlə ənənəvi görüşü keçirilib. Görüşdə Xəzər Universitetinin Beynəlxalq əlaqələr şöbəsinin koordinatoru Turan Əlizadə, həmçinin digər müəssisə rəhbərləri, yerli və xarici fərdi sahibkarlar və onların nümayəndələri də iştirak ediblər.

Görüşün keçirilməsində məqsəd miqrasiya qanunvericiliyinə edilmiş son dəyişikliklər və əlavələr haqqında, həmçinin növbəti il üçün əmək miqrasiyası kvotası barədə işəgötürənlərə zəruri məlumatların verilməsi olub.

Qarşılıqlı fikir mübadiləsi zamanı işəgötürənlərin hüquq və vəzifələri, qanunvericilikdə edilmiş son dəyişikliklər barədə sahibkarlar və işəgötürənlər məlumatlandırılıblar. Həmçinin, əcnəbi işçi qüvvəsinə tələbatın təmin edilməsində yaranan çətinliklər, qarşıdakı il üçün əməkçi miqrantlara olan ehtiyaclara dair proqnoz-məlumatların hazırlanması və digər mövzular müzakirə edilib.