2024-cü il fevralın 16-da Azərbaycan Dövlət İqtisad Universitetində "Qlobal sistemlərdə yeni dövr, güc savaşları və Cənubi Qafqaz" adlı beynəlxalq konfrans keçirilib. Türkiyə Birlik və Həmrəylik Əsri Platformasının təşkil etdiyi bu tədbirdə Türkiyənin Azərbaycandakı səfiri Cahit Bağçı, Şimali Kipr Türk Respublikasının Azərbaycandakı nümayəndəliyinin rəhbəri Ufuk Turganer, İqtisad Universitetinin rəhbərliyi, mütəxəssislər, tələbələr iştirak ediblər.

Konfransın açılış panelində Xəzər Universiteti Tarix və arxeologiya departamentinin müdiri dosent Telman Nüsrətoğlu, Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev, Türkiyənin tanınmış hərbi və təhlükəsizlik eksperti Abdullah Ağar, eləcə də jurnalist Sevil Nuriyeva regionda baş verən geosiyasi proseslərlə bağlı çıxış ediblər.